Remember me
寫俾自己
日記、心情、第一份工、第一次搬出去住。唔使寫得好，記得就得。唔想打字？講出嚟，錄音會自動轉做文字。
有啲事， 值得好好記住。
一首舊歌、一條行過無數次嘅街、一句佢成日掛喺口邊嘅說話。回憶散落喺好多地方，好瑣碎，但每一段都唔捨得失去。 We Member Me 幫你執埋一齊，按發生嘅時間排好；邊個睇到，由你話事。
免費開始 · 唔賣廣告 · 每段回憶自己揀邊個睇到 · 廣東話錄音轉文字
以前屋企總有個曲奇鐵罐。
入面唔係曲奇，係相、利是封、舊信，同埋一張唔知點解留低咗嘅戲飛。
而家嘅相散晒喺手機、WhatsApp 同雲端；社交網站嘅「回憶」，只會跟你幾時 post 嘢，唔係跟件事幾時發生。
記憶會慢慢淡，寫低咗嘅就留得住。日子一直行，留低嘅字同相，就係大家一齊走過嘅證據。
We Member Me 想做返嗰個鐵罐。
唔止係紀念，
係記住仲喺身邊嘅人同事。
Remember us
同大家一齊記
宿舍嘅宵夜、團年飯、同阿爸去釣魚。寫一次，tag 埋有份嘅人，佢哋嘅時間線都會出現。大家仲可以各自補充：「我記得嗰晚落大雨。」
Remember later
寫俾將來
寫封信俾仔女 18 歲生日、俾結婚十週年嘅另一半、俾十年後嘅自己。揀好日子，到時自動打開。佢未有帳戶都得：將專屬 link 傳俾佢，未到日子佢只會見到一個信封，唔知入面寫咩。
大家可能會寫低⋯⋯
-
2009年9月 · 同 Ivan、阿詩
大學第一晚喺宿舍食即食麵，傾到凌晨三點。
-
大約 1975年 · 阿爸 24歲
喺觀塘製衣廠返夜更，朝早返到屋企先瞓。
-
2040年6月1日先打開 · 寫俾阿晴
你今日 18 歲喇。你出世嗰晚，屋企部冷氣壞咗⋯⋯
-
2015年3月8日 · Lucky
第一日返屋企，細細隻，成晚喊。
同一段歷史，一家人各自記得。
香港、澳門、內地、台灣、英國、美國、加拿大、澳洲同國際，大約一百件大事，會自動擺喺你啲故事旁邊，仲會計埋嗰陣大家幾多歲。每一件都問你一句：「嗰陣你喺邊？」
-
1962年9月1日 · 颱風溫黛 · 阿嫲 20歲
成晚用棉被頂住個窗，天光先敢瞓。
-
1979年10月1日 · 地鐵通車 · 阿媽 24歲
第一次搭地鐵，特登由觀塘坐到石硤尾。
-
1997年7月1日 · 香港回歸 · 阿爸 46歲
一家人喺電視前面等到十二點，我瞓著咗。
-
2021年1月31日 · BN(O) 簽證開放 · 家姐 34歲
決定搬去曼徹斯特嗰晚，同阿媽傾到三點。
-
執屋執到一疊舊相。 -
嫲嫲話：等我幫你影返張。 -
趁佢仲細，仲肯俾你攬。
懷念一個人，
唔一定要講再見。
佢嘅笑聲、佢最鍾意坐嘅位、一齊去過嘅地方、佢成日提你嘅嗰句說話，全部都值得寫低。
傾偈會講起佢，行街會諗起佢，臨瞓前又會想起佢。會心痛，但唔使避開；寫低咗，佢就一直喺你嘅時間線上，好似仍然陪住你行落去。
每個離開咗嘅人都有一版紀念頁：生平、佢嘅口頭禪、屋企人想同佢講嘅說話。冥壽、忌日、清明重陽，我哋會提你一齊點一盞燈。
佢曾經嚟過，我哋一直記得。
三步，就開始。
-
寫低，或者講出嚟
打字、上載相片都得；唔想打字就直接錄音，廣東話都會自動轉做文字。
-
記低幾時、同邊個
記唔清冇問題，「大約 1980 年代」都排得入時間線。tag 埋有份嘅人，佢哋都會見到。
-
慢慢翻睇
每個人都有自己嘅一條時間線，睇到「阿媽 32 歲嗰年」發生咩事；「當年今日」會自動提你。
長輩用得，你都用得。
- 錄音轉文字
- 長輩唔使打字，講出嚟就得。
- 模糊日期
- 「大約七十年代」都可以排入時間線。
- 自動計年紀
- 每段故事都會顯示「嗰年佢幾多歲」。
- 回憶提示
- 每星期一條問題：「你第一份工係咩？」
- 並排比較
- 睇下阿爸阿媽未識之前，各自喺度做緊咩。
- 印成書
- 一鍵存做 PDF，或者打包下載返自己部機。
- 大字模式
- 喺 iPad 上面睇，都好舒服。
- 幻燈片
- 喺電視慢慢播，一家人一齊睇。
- 時代大事
- 揀你關心嘅地方，大事會自動出現喺故事旁邊。
- 五種語言
- 香港繁中、繁中、簡中、英文（英式同美式），各自揀。
- 紀念日曆
- 生日、冥壽、忌日、清明重陽自動提你，仲可以加入手機日曆。
- 分享俾親戚
- 一個故事可以整條會過期嘅 link，俾唔喺名單嘅親戚睇。
你嘅回憶，
只屬於你哋。
- 預設全部私人。只有你邀請嘅家人先登入到；你揀先會公開，公開都唔會俾搜尋器收錄。
- 每段都可以自己揀。只有自己、只限有份嘅人、全家，或者有 link 嘅人。
- 連管理員都睇唔到。你設做私人嘅故事，連屋企嘅管理員都睇唔到，相片同錄音都一樣。
- 唔賣廣告，唔賣資料。你嘅回憶唔係我哋嘅貨品。
- 隨時帶走。一鍵匯出全部相片、錄音同文字。
一次過，唔使月費。
免費
HK$0
一直免費
- 無限段回憶
- 每段 3 張相、1 段錄音
- 邀請家人朋友一齊寫
- 時間線、當年今日、回憶提示
- 寫俾將來嘅信、時代大事、紀念頁
- 印成書、匯出
Plus
HK$388
一次過付款，終身使用
- 免費版全部功能
- 每段 20 張相、5 段錄音
- 寫俾將來：到日子寄 email，連未有帳戶嘅人都收到即將推出
- 優先支援
正式推出前，價錢同內容可能會調整。候補名單上嘅朋友會最先知道。
常見問題
係咪只係用嚟紀念過咗身嘅人？
唔係。大部分回憶都屬於仲喺身邊嘅人：你自己、朋友、屋企人，甚至屋企隻狗。當然，想追思離開咗嘅人都得。
長輩識唔識用？
設計嘅時候已經諗住長輩：大字、錄音代替打字，仲可以設做「只睇」，佢哋淨係睇同留言就得。
其他人會唔會睇到我寫嘅嘢？
只有你邀請嘅人先登入到。每段故事仲可以再揀：全家睇到、只限有份嘅人，或者只有自己。
我哋一家人分散喺唔同國家，講唔同語言，得唔得？
得。每個人揀自己嘅語言（香港繁中、繁中、簡中、英式或者美式英文），睇嘅都係同一條時間線；時代大事亦可以揀埋英國、加拿大、澳洲等地方。
想俾唔喺名單嘅親戚睇某一個故事，點算？
可以為嗰一個故事整條 link，揀 7 日或者 30 日到期，隨時撤銷。屋企嘅管理員亦可以一次過關閉所有對外分享。
「寫俾將來」點運作？
寫好封信、揀開啟日子。未到日子，其他人只會見到一個信封。你可以為封信整一條專屬 link，用 WhatsApp 或者寫喺心意咭上面傳俾收信人，佢唔使有帳戶；link 要到日子先會打開封信，當日我哋亦會提你記得傳。
幾時可以開始用？
我哋會逐批邀請候補名單上嘅朋友。登記之後，輪到你嗰陣會收到邀請 email。
要唔要錢？
免費版可以一直用。Plus 係一次過付款，唔使月費。
留個位俾你。
我哋會逐批邀請。登記之後，輪到你嘅時候會收到邀請 email。